E ëma pagëzoi vajzën me emrin Ikea, mori falas shtrat – kurse e bija e saj tërë jetën u përqesh nga bashkëmoshatarët

Ndryshe

E ëma pagëzoi vajzën me emrin Ikea, mori falas shtrat – kurse e bija e saj tërë jetën u përqesh nga bashkëmoshatarët

Më: 26 janar 2022 Në ora: 08:47
Ikea

Pasi që e ëma e saj gjatë shtatzënisë pa një reklamë të gjigantit suedez të mobileve, vendosi që vajzën e saj ta pagëzojë me emrin e këtij brendi.

Por për shkak të disa dhuratave, a ia ka vlejtur ky veprim duke marrë parasysh pasojat që i barti vajza e saj.

Kur erdhi në këtë botë, kjo nënë amerikane i dha emrin të bijës “Ikea”, me qëllim që familja e saj të marrë pa pagesë mobile nga kjo markë e njohur botërore.

Megjithatë, adoleshentja me kalimin e viteve e kuptoi se prindërit e saj kishin bërë gabim të madh – pasi ajo ishte cak i talljeve.

Vazhdimisht e kanë cilësuar me nofka të ndryshme, kurse bashkëmoshatarët i referoheshin “flat pack”, sipas ambalazhimit që IKEA e praktikon gjatë paketimit të pjesëve të mobileve.

“Kam mbetur e shokuar kur kuptova se fëmijët e dinin çfarë është IKEA”, tha ajo.

Sapo mbushi 12-vjet, vendosi t’i jap fund talljeve. Ndërroi emrin në Jasmine që më herët e kishte përzgjedhur babai i saj. Tani ajo quhet Jasmine Ikea Dagless.

“Ligjërisht kam ndërruar emrin. Tani nëpër dokumente jam Jasmine, por familja ime vazhdon të më quaj Ikea apo Kea”, pranoi ajo.

Sot kjo 19-vjeçare, tha se pavarësisht të mirave që IKEA ua solli në shtëpi, e ëma e saj ishte pajtuar që ajo ta ndërrojë emrin.

“Kemi marrë mobile dhe lodra falas”, shtoi ajo – duke theksuar se akoma në shtëpi ka disa lodra dhe një shtrat nga kjo markë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat