A e pa Mbretëresha Elizabeth serialin “The Crown”?!

Ndryshe

A e pa Mbretëresha Elizabeth serialin “The Crown”?!

Më: 16 shtator 2022 Në ora: 15:35
Foto ilustrim

Matt Smith, i cili portretizoi Princin Philip në serialin hit të Netflix “The Crown”, zbuloi në një intervistë se Mbretëresha Elizabeth e ndoqi shfaqjen.

“Kam dëgjuar që Mbretëresha e kishte parë. Me sa duket, ajo e shihte atë në një projektor të dielën në mbrëmje”, tha në programin “Today” aktori 39-vjeçar i “House of the Dragon”.

Ndërsa Princi Philip, i cili u nda nga jeta në prill të vitit të kaluar në moshën 99-vjeçare, nuk e pa serialin, sipas Smith. “Unë e di që Philip nuk e pa. Shoku im u ul pranë tij në një darkë dhe e pyeti. ‘Nuk mund të rezistoj. A e ke parë “The Crown”?’ Dhe pastaj Filip u kthye dhe i tha: “Mos u bëj qesharak”.

Smith kujtoi gjithashtu një moment kur u takua me Princin Harry në një mbledhje dhe ish-princi bëri një shaka me të. “Harry më thirri gjysh. Nuk mund të pretendoj se e di nëse ai shikon “The Crown” aktualisht, por ai mesa duket e paska parë pak atëherë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat