Një grua nga Michigani i SHBA-së bëri një ndalesë shtesë në rrugën e saj për të marrë një picë dhe fitoi 2 milionë dollarë nga një biletë lotarie me gërvishtje.
“Burri im është zakonisht ai që blen bileta me gërvishtje, por unë vendosa të ndaloj dhe të blej gjatë rrugës time për të marrë pica”, tha 41-vjeçarja fatlume.
“Teksa isha duke pritur për picën time, u ula në makinë dhe gërvishta biletën. Ishte e pabesueshme kur kuptova se kisha fituar 2 milionë dollarë. Telefonova burrin tim për t’i treguar lajmin e madh sepse isha shumë e emocionuar”, tha lojtarja.
Ajo tregoi se me paratë e fituara planifikon t’i paguajë faturat dhe të bëjë pushime.
