​Adidas akuzohet për përvetësim kulturor, i kërkon falje komunitetit indigjen në Meksikë

Kuriozitete

​Adidas akuzohet për përvetësim kulturor, i kërkon falje komunitetit indigjen në Meksikë

Më: 22 gusht 2025 Në ora: 16:33
Foto ilustrim

Kompania gjermane Adidas ka kërkuar falje publike ndaj një komuniteti indigjen në Meksikë pasi përdori sandalet tradicionale të punuara nga artizanët lokalë si frymëzim për një model të ri.

Atletja, e quajtur ‘Oaxaca Slip-On’, ngjalli kritika dhe akuza për përvetësim kulturor, sepse ishte frymëzuar nga huaraches, sandalet tradicionale prej lëkure të bëra nga indigjenët meksikanë.

Presidentja Claudia Sheinbaum gjithashtu e trajtoi këtë çështje, sipas ANSA.

Karen González, drejtoreshë ligjore e Adidas Mexico, pranoi se këpuca ishte dizajnuar mbi bazën e një modeli tradicional nga komuniteti Villa Hidalgo Yalalag.

“Ne e kuptojmë se kjo mund të ketë shkaktuar shqetësim dhe për këtë arsye, kërkojmë falje publike”, tha ajo gjatë një ceremonie zyrtare. Ajo gjithashtu siguroi se, nga tani e tutje, Adidas do të kërkojë udhëzimin dhe bashkëpunimin e komunitetit për modelet e ardhshme, duke respektuar kulturën lokale, e cila mbështetet tek artizanati për mbijetesën e saj.

Pas lançimit në fillim të gushtit, këpuca që shkaktoi polemika u hoq nga shitjet online.

Qeveria meksikane ka njoftuar se do të kërkojë dëmshpërblim financiar nga Adidas.

comment Për komente lëvizni më poshtë
Sot mund të lexoni Shfletoni kopertinat