​Sa i rëndësishëm është religjioni për evropianët - këto janë tri vendet e para

Religjion

​Sa i rëndësishëm është religjioni për evropianët - këto janë tri vendet e para

Më: 6 gusht 2022 Në ora: 22:41
Ilustrim

Një studim i kryer nga Pew Research, në të cilin nuk përfshihen Kosova, Shqipëria, Maqedonia e Veriut dhe Mali i Zi, ka treguar se sa e rëndësishme është feja për evropianët.

Sipas ueb sajtit Landgeist.com, duket se ka disa mbivendosje me hartat e mëparshme rreth fesë në Evropë.

Evropa perëndimore dhe ajo veriore kanë kryesisht përqindjet më të ulëta. Por përqindjet më të ulëta mund të gjenden në Estoni (6%), Republikën Çeke (7%), Danimarkë (8%) dhe Zvicër (9%).

Është interesante se ka më shumë njerëz që besojnë në Zot, sesa njerëz që mendojnë se feja është e rëndësishme, shkruan Landgeist.

Përqindjet më të larta mund të gjenden sërish në Poloni (29 për qind), Portugali (36 për qind) dhe Evropën Juglindore. Rumania (50%), Bosnja (54%) dhe Greqia (55%) janë të vetmet vende evropiane ku shumica e popullsisë mendon se feja është e rëndësishme në jetën e tyre.

Në Kroaci 42 për qind e popullit mendon se feja është e rëndësishme në jetën e tyre, ndërsa kjo shifër është përgjysmë më e ulët në Itali - 21 qind.

22 për qind e spanjollëve mendojnë se feja është e rëndësishme në jetën e tyre, 20 për qind e holandezëve mendojnë po njësoj, sikurse edhe 11 për qind e belgëve.

Në Britani të Madhe 10 për qind e popullsisë mendojnë se feja është e rëndësishme në jetën e tyre. Në Gjermani 11 për qind e qytetarëve konsiderojnë fenë të rëndësishme, në Hungari 14 për qind, Bullgari 19 për qind, Sllovaki 23 për qind, Moldavi 42 për qind. Ndër vendet skandinave Suedia e Finlanda kanë nga 10 për qind, ndërsa Norvegjia 19 për qind.

Në mesin e vendeve që nuk ishin të përfshira në këtë studim janë edhe Sllovenia, Islanda, San Marino, Andorra, Monako, Vatikani, Lihtenshtajni dhe Luksemburgu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat