Kryetari i Bashkisë së Shkupit, Petre Shilegov sot ndezi dritat për vitin e ri në sheshin ‘Maqedonia’ në Shkup.
Shilegov tha se Bashkia e Shkupit vendosi që tradicionalisht t’i ndez dritat në bredh, por sivjet ishte ngjarje e veçantë për shkak të rrethanave të jashtëzakonshme.
“Jam i lumtur që sheshi edhe sivjet do të shënojë fillime dhe dëshira për një jetesë më normale, ashtu siç e kishim para pandemisë botërore”, tha Shilegov.
Qindra qytetarë dolën në shesh për të parë ndezjen e dritave. Në numër më të madh ishin fëmijët të cilët më shumë u gëzohen këtyre festave. Në rrugët e kryeqytetit tashmë prej disa ditësh janë vendosur zbukurime dhe drita. Gjithsesi për shkak të pandemisë, këtë vit këto zbukurime konsiderohen si më simbolike.
