Kryetarja e Bashkisë së Shkupit Danella Arsovska, deri te Këshilli i Bashkisë ka dorëzuar propozim që të miratohen 7 milionë denarë ndihmë për Ukrainën në luftën kundër Rusisë.
Nga Bashkia e Shkupit thonë se ky vendim për ndihmë humanitare është shprehje e solidaritetit për qytetarët e Ukrainës që janë prekur nga konflikti ushtarak.
“Jetojmë në kohëra turbulente, të ballafaquar me sfida të mëdha. Askush nuk dëshiron konflikte dhe vuajtje, të përpiqemi të ndihmojnë sa të mundemi”, tha Arsovska.
Ndryshe, sot bëhen 8 ditë që kur Rusia filloi veprimet luftarake në Ukrainë.
