Burri sulmon ish-bashkëshorten e tij pranë gjykatës

Shkupi

Burri sulmon ish-bashkëshorten e tij pranë gjykatës

Më: 28 maj 2022 Në ora: 15:56
Foto ilustrim

Në një zonë parkimi pranë gjykatës penale në Shkup, një burrë nga Shkupi ka sulmuar fizikisht ish-bashkëshorten e tij menjëherë pasi ishte gjykuar  për dhunë në familje.

“Ndaj tij ka është iniciuar procedurë e re për shkaktim të lëndimeve trupore, shtrëngim dhe mosekzekutim të vendimit gjyqësor”, njoftojnë nga Prokuroria.

Pavarësisht se me vendim të mëparshëm të formës së prerë atij i ishte caktuar masa e ndalimit të afrimit ndaj ish-bashkëshortes, ai e ka përndjekur atë në një zonë parkingu afër gjykatës, ka filluar ta tërheq nga krahët, e ka kapur për qafe dhe ka filluar ta shtrëngoj për të ia bllokuar frymëmarrjen, duke i shkaktuar lëndime të dukshme.

Më pas ai e ka ofenduar dhe e ka kërcënuar duke mbajtur me vete një thikë, duke e detyruar të futej në makinën e saj.

Gruaja, e frikësuar në panik në atë moment, ka hipur në veturë dhe i dyshuari është ulur menjëherë pas saj në sediljet e pasme.

Ai e ka urdhëroi atë të ngiste makinën dhe të shkonin në banesën e tij, duke e kërcënuar se atje do ta përdhunonte.

I ka marrë celularët dhe çantën që ajo të mos lajmëronte policinë, duke e tërhequr nga flokët dhe duke e kërcënuar me jetë.

Prokurori publik i ka dorëzuar propozim gjyqtarit të procedurës paraprake nga Gjykata Themelore Penale Shkup që të dyshuarit t’i caktohet masa e paraburgimit, për shkak se ekzistojnë rrethana që tregojnë për mundësinë e arratisjes, si dhe rrezikun që ai të përsërisë veprën penale ose të kryejë krime edhe më të rënda.

Gjykatësi ka pranuar propozimin e prokurorit dhe të dyshuarit i ka caktuar masën e paraburgimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat