Bashkia e Shkupit do të blejë 350 uniforma të reja për zjarrfikësit

Shkupi

Bashkia e Shkupit do të blejë 350 uniforma të reja për zjarrfikësit

Më: 9 qershor 2022 Në ora: 21:21
Foto ilustrim

Bashkia e Shkupit ka shpall thirrje publike për prokurimin e 250 uniformave të punës dhe 100 uniformave ndërhyrëse për zjarrfikësit e Shkupit, si dhe prokurimin e pajisjeve zjarrfikëse.

“Si kuadër të 350 uniformave të reja, zjarrfikësit e Shkupit do të marrin komplete të reja pajisjesh për kushtet dimërore dhe verore, duke përfshirë këtu kostume të reja për ndërhyrje, doreza për ndërhyrje, helmeta për ndërhyrje me syze mbrojtëse, çizme për ndërhyrje, çizme kundër zjarreve në pyll dhe për ndërhyrje teknike dhe pajisje të tjera të nevojshme për realizimi efikas të detyrave të punës”, njoftojnë nga Bashkia e Shkupit.

Në pjesën e prokurimit të pajisjeve të zjarrfikësve përfshihen zorra zjarrfikëse, aparate zjarrfikëse dhe shkumë universale për fikjen e zjarrit.

Bashkia e Shkupit vazhdon të investojë në pajisjet teknike dhe modernizimin e Brigadës së zjarrfikësve me qëllim sigurimin e kushteve më të mira dhe më të sigurta për punë të zjarrfikësve të Shkupit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat