Shkup, do të ketë subvencione për skuterë elektrikë dhe biçikleta

Shkupi

Shkup, do të ketë subvencione për skuterë elektrikë dhe biçikleta

Më: 31 gusht 2022 Në ora: 19:16
Foto ilustrim

Me qëllim të stimulimit të të rinjve që të përdorin mënyrë alternative dhe ekologjike të transportit, Këshilli i Bashkisë së Shkupit në seancën e sotme ka marrë vendime për subvencionimin e të rinjve, për blerjen e skuterëve elektrikë dhe biçikleta.

Me vendimet, njoftuan nga Bashkia e Shkupit, për herë të parë sigurohen subvencione për të rinjtë, deri në moshën 29 vjeçare, të cilët janë banorë të Bashkisë së Shkupit.

Me vendimin e parë, Bashkia e Shkupit do të subvencionojë blerjen e skuterëve elektrikë për të rinjtë. Shuma maksimale për subvencionin individual për blerjen e skuterit elektrik për person përcaktohet në shumën prej 50 për qind të vlerës së skuterit elektrik, por jo më shumë se 8.000,00 denarë për person, përfshirë tatimin e të ardhurave personale.

Me vendimin e dytë, Bashkia e Shkupit do të subvencionojë blerjen e biçikletave për të rinjtë. Shuma maksimale për subvencionin individual për blerjen e biçikletës për person përcaktohet në shumën prej 50 për qind të vlerës së biçikletës, por jo më shumë se 4.000,00 denarë për person, përfshirë tatimin mbi të ardhurat personale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat