Policia bën të ditur se gjatë ditës së djeshme ka arrestuar një vjedhës të druve në rajonin e Shkupit.
Nga MPB theksojnë se 29-vjeçari nga Shkupi me sharrë elektrike, pa dokumentacion përkatës ka prerë dru në periferi të Shkupit.
“Më 11.06.2023 në ora 15:15 në lagjen Draçevë të Shkupit, zyrtarë policorë nga stacioni policor Draçevë kanë ndaluar I.Sh.(29) nga fshati Ellovë, Shkup. Ai rreth orës 11:00 është gjetur duke prerë dru zjarri me sharrë elektrike në rajonin e fshatit Ellovë dhe pasi ka vërejtur punonjësit e policisë është larguar me vrap.
Pemët dhe sharra janë konfiskuar dhe i janë dorëzuar Policisë Pyjore, dhe pas marrjes së masave, I.Sh. është gjetur dhe privuar nga liria. Pas dokumentimit të plotë të rastit ndaj tij do të bëhet kallëzimi përkatës”, njoftojnë nga MPB.
