Pak para orës 19:00 sonte, një person i panjohur telefonoi në SPB Shkup dhe tha se një bombë ishte vendosur në sallën “Jane Sandanski” në Shkup.
Në këtë sallë për sonte ishte planifikuar një koncert muzikor, njoftoi Ministria e Brendshme.
“Menjëherë u morën masat e duhura dhe të pranishmit në sallë, të cilët po ndiqnin koncertin, u evakuuan në mënyrë të sigurt.
Janë duke u zhvilluar kontrollet antiterroriste dhe pas përfundimit të tyre, nëse objekti është i sigurt, koncerti do të vazhdojë”, thonë nga MPB.
