I ndjekur nga policia shkaktoi një aksident masiv, gjykata dënon të riu me 6-vjet burg

Shqipëria

I ndjekur nga policia shkaktoi një aksident masiv, gjykata dënon të riu me 6-vjet burg

Më: 11 prill 2022 Në ora: 14:08
foto ilustrim

Me 6-vjet burg e ka dënuar Gjykata e Elbasanit Aldrion Shehun, që shkaktoi aksidentin masiv në Elbasan përpara dy vjetësh.

Prokurori Ritvan Sukaj kishte kërkuar dënimin e tij me 30-vjet burgim. Gjykata riklasifikoi njërën nga veprat atë të vrasjes se punonjësit të policisë duke e klasifikuar si kanosje.

Aldrion Shehu duke drejtuar një makinë tip “Passat” kaloi tre postblloqe që nga Pogradeci në Elbasan duke e detyruar policinë që të ndërhyjë forcërisht për ndalimin e tij. Në këtë mënyrë, forcat e rendit i kanë hedhur zinxhirë me gozhdë për çarjen e gomave të makinës së Aldrion Shehut duke bërë që ai të kalojë në anën tjetër të rrugës, gjë e cila solli edhe përplasjen me mjete të tjera. Nga aksidenti masiv u plagosën 5 persona të pafajshëm, mes tyre dhe 1 polic.

Policia i bëri shenjë të ndalonte, por Shehu shtoi shpejtësinë ndaj u vendos në ndjekje të tij për disa kilometra. Policia kishte dyshime se Shehu mund të ketë patur lëndë narkotike në makinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat