Mbyllen 5 xhami në Shqipëri, mes tyre edhe ajo në qendër të Tiranës - Bota Sot
Mbyllen 5 xhami në Shqipëri, mes tyre edhe ajo në qendër të Tiranës

Shqipëria

Mbyllen 5 xhami në Shqipëri, mes tyre edhe ajo në qendër të Tiranës

Më: 23 shkurt 2018 Në ora: 22:04
ilustrim

5 xhami mësohet se do të mbyllin dyert në Shqipëri, madje edhe Xhamia e Et’hem Beut në qendër të Tiranës.

Arsyeja e kësaj mbylljeje të përkohshme është restaurimi, proces i cili mendohet se do të zgjasë të paktën dy vjet.

Ky vendim vjen si pjesë e marrëveshjes mes Ministrisë së Kulturës dhe Komunitetit Mysliman Shqiptar.

Gjithashtu bëhet me dije se procesi do të nisë të hënën ndërkohë që tre nga xhamitë e përfshira në këtë nismë janë në Berat, njëra në Tiranë dhe një në Gjirokastër. Më konkretisht: 

– Xhamia Mbret, Berat;
– Xhamia e Beqarëve, Berat;
– Teqeja e Helvetive, Berat;
– Xhamia e Et’hem Beut, Tiranë;
– Xhamia e Pazarit, Gjirokastër;

Duhet theksuar se xhamia e Et’hem Beut, njihet ndryshe edhe si simbol i kryeqytetit shqiptar, pasi veç funksionit bazë, atë të kryerjes së ritualeve për besimtarët, kjo xhami përbën dhe një objekt me një vizitueshmëri të lartë turistike.

Shfaq komentet
comments powered by Disqus
Sot mund të lexoni Shfletoni kopertinat