Është djegur një dyqan në Tetovë

Tetova

Është djegur një dyqan në Tetovë

Më: 4 tetor 2021 Në ora: 19:40
Foto ilustrim

Një shishe me lëng të ndezshëm, mbrëmë është hedhur në një shitore në Tetovë me ç’rast janë dëmtuar pjesa e poshtme e vitrinës dhe qelqi, por të lënduar nuk ka, kumtoi policia.

Zjarri tërësisht është shuar me intervenimin e Njësisë Territoriale të Zjarrfikësve, ndërsa rasti është denoncuar rreth orës 02:30 minuta.

“Rreth orës 02:30 minuta në Sektorin për Punë të Brendshme Tetovë është denoncuar se në vitrinën e një shitore në rrugën “Ivo Lola Ribar” në Tetovë, pronësi e 66 vjeçarit E.J. nga fshati Shemshovë i Tetovës është hedhur një shishe me lëng të ndezshëm. Është dëmtuar pjesa e poshtme e vitrinës dhe qelqi. Nuk ka persona të lënduar, inspektim ka kryer ekipi i Sektorit për Punë të Brendshme”, informon zëdhënësi i SPB-së Tetovë, Marjan Josifovski.

Ai theksoi se ndërmerren masa për zbardhjen e rastit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat