Shembja e banesave/ Reagon Veliaj: 95% e banorëve janë dakord

Tirana

Shembja e banesave/ Reagon Veliaj: 95% e banorëve janë dakord

Më: 19 janar 2022 Në ora: 14:23
Erion Veliaj

Kryetari i Bashkisë Tiranë, Erion Veliaj ka reaguar ditën e sotme për aksionin e shembjes së banesave te "5 Maji" .

Veliaj tha se modernizimi i qytetit nuk ka kompromis dhe duhet bërë.

Ndër të tjera kryebashkiaku theksoi se 95% e banorëve janë dakorduar me procesin e rindërtimit dhe se është vetëm 5% që ka kundërshtuar. 

Veliaj në reagimin e tij ka bërë një thirrje të drejtëpërdrejtë banorëve që janë duke kundërshtuar shembjen e banesave ndërsa u bën thirrje që të heqin dorë nga brava e partisë por të zgjedhin bravën e shtëpisë së tyre.

‘95% e banorë në njësi 4 i kanë firmosur kontratat një pjesë e tyre morën edhe çelësat e shtëpisë. Ligji thotë që secili kompensohet me të njëjtat metra katror që kanë pasur, këtu përfshihen edhe ata që kanë ndërtuar pa leje . Edhe ata që kanë bërë shkelje i marrin të gjitha metrat katro. Edhe ata që janë të palegalizuar që kanë 100 m do të marrin 100 m katror. Pra nga të palegalizuara të gjithë do të legalizohen, dhe përfundimi i kësaj do të jetë si përfundimi i Unazës së Re, Astirit, Pazarit të Ri. Fakti që 95 % i kanë firmosur kontratat duhet vetëm që ky 5% të firmosë për të marrë metrat nga ato pa leje, tani me leje dhe urbanizim’, tha ai.

Më tej Veliaj shtoi:’Kundërshton një pjesë e vogël e cila ka muaj të tërë që shoqërohen me politikanë. Politikanë që nuk zgjidhin dot problemet e tyre nuk i zgjidhin këto halle. Tani ata banorë duhet të zgjedhin ose bravën e partisë, ose bravën e shtëpisë së tyre’.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat