​Thyhet rekordi i fluturime në aeroportin e Rinasit, shkak finalja e Ligës së Konferencës

Tirana

​Thyhet rekordi i fluturime në aeroportin e Rinasit, shkak finalja e Ligës së Konferencës

Më: 25 maj 2022 Në ora: 21:57
Foto ilustrim

306 fluturime me mbi 20 mijë pasagjerë janë procesuar në 48 orë në aeroportin “Nënë Tereza” në Rinas.

Ndërsa ndau në rrjetet sociale një video nga atmosfera në aeroportin e Rinasit, Kryeministri Edi Rama tha se mbresat e shprehura nga UEFA janë të shkëlqyera, pas shqetësimit se mund të kishte probleme nga mbingarkesa e jashtëzakonshme.

“Fluturime rekord në aeroportin “Nënë Tereza”, ku janë procesuar mbi 20 mijë vizitorë në më pak se 48 orë dhe ku mbresat e shprehura nga UEFA janë të shkëlqyera, pas shqetësimit se mund të kishte probleme nga mbingarkesa e jashtëzakonshme”, u shpreh Rama.

Shqipëria pret për herë të parë në historinë e vet një finale të kompeticioneve europiane, siç është kjo UEFA Conference League, ku “Roma” dhe “Feyenoord” do të përballen sonte në stadiumin “Air Albania”. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat