Arrestohen babë e bir, kultivuan kanabis në banesën e tyre

Tirana

Arrestohen babë e bir, kultivuan kanabis në banesën e tyre

Më: 14 qershor 2022 Në ora: 09:16
Foto ilustrim

Janë arrestuar babë e bir për kultivim të kanabisit në banesën e tyre, ndërsa është vënë nën hetim djali tjetër i familjes vetëm 16 vjeç.

“Përmes operacionit të koduar “Processing”, Shërbimet e Komisariatit të Policisë së Shqipërisë, bazuar dhe në informacionet e marra në rrugë operative, realizuan arrestimin e Zh. M., 47 vjeç dhe F. M., 21 vjeç për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim”.

Gjatë kontrollit të ushtruar në banesën e këtyre shtetasve, në rrugën “Hamdi Cenoimeri”, shërbimet e policisë gjetën dhe sekuestruan bimë narkotike cannabis sativa, të mbjella në tokë dhe në vazo, qese, që shërbejnë për ndarjen e lëndës narkotike në doza dhe municion luftarak.

Ata në bashkëpunim me njëri-tjetrin, pasi i kultivonin bimët narkotike në banesën e tyre, e përgatitnin lëndën narkotike në doza, të cilat i shisnin më pas në zona të ndryshme të Tiranës./TCh

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat