Salcë kosi me borzilok, vaj ulliri dhe shegë

Ushqime

Salcë kosi me borzilok, vaj ulliri dhe shegë

Më: 17 shkurt 2021 Në ora: 19:57
Foto ilustrim

Përbërësit:

1 kg kos dele

1 tufë borzilok (vetëm gjethet)

3 lugë gjelle vaj ulliri, ekstra i virgjër

1 lugë çaji kripë e trashë

piper i zi (sipas dëshirës)

disa kokrra shege

Përgatitja:

Kullojmë kosin në një garzë dhe pasi ta ketë nxjerrë hirrën, kremin e kosit e hedhim në një tas porcelani. Hedhim në një grirës fletët e borzilokut, kripën e trashë dhe vajin e ullirit dhe i grijmë derisa të krijohet një lëng i gjelbër.

Shtojmë lëngun e borzilokut te kremi i kosit dhe me rrahësen e vezëve me dorë ose elektrike, krijojmë një masë të njëtrajtshme. Salcës mund t’i shtojmë pak piper të zi sipas dëshirës. Kremin apo salcën e kosit e ruajmë në kavanoz qelqi dhe e mbulojmë me një shtresë vaj ulliri, që ta ruajmë sa më gjatë produktin. E shërbejmë në pjata të cekëta, duke e zbukuruar me kokrra shege dhe vaj ulliri sipër.

Shfaq komentet
comments powered by Disqus
Sot mund të lexoni Shfletoni kopertinat