Kungulleshka të mbushura me djathë në rende

Ushqime

Kungulleshka të mbushura me djathë në rende

Më: 4 prill 2021 Në ora: 12:18
Foto ilustrim

PËRBËRËSIT:

• Kungulleshka të njoma, • gjalpë, • djathë-parmezan, • 2 vezë, • 1/2 tubë majdanoz, • kripë piper. Kungulleshkat qërohen duke i gërryer me thikë dhe u pritet maja. Me kujdes u largohet brendia, e cila pritet në kubikë të vegjël (largohen farat).

Gjalpi tundet me të verdhat e vezëve dhe bashkohet me brendinë e kungulleshkave.

Hidhen djathi i kaluar në rende, majdanozi i grirë hollë, kripë, piper dhe vezët e tundura. Me këtë masë të përzier mirë, mbushen kungulleshkat, të cilat mbyllen me pjesën e prerë dhe përforcohen me rrë- mojëse. Radhiten në enë të lyer me gjalpë ose vaj dhe piqen në furrë me temperaturë mesatare.

Kohë pas kohe lagen me lëngun, të cilin e lëshojnë gjatë pjekjes, kurse nëse ka nevojë, shtohet nga pak ujë. Pasi të piqen, mbi u hidhet kos me hudhër. Kungulleshkat mund të shërbehen të nxehta ose edhe pasi të jenë ftohur.

comment Për komente lëvizni më poshtë
Më të lexuarat
Sot mund të lexoni Shfletoni kopertinat