Receta: 800 gr patate , 340 gr djathë , 300 gr bishtaja , 250 gr makarona , 130 gr pesto , vaj ulliri ekstra i virgjër dhe kripë .
Pastroni dhe lani bishtajat , i zieni ato për 7-8 minuta , kullojini dhe lërini të ftohen nën ujë të rrjedhshëm . Qëroni patatet , pritini në feta të holla dhe vendosini në një tenxhere me ujë të ftohtë për 5 minuta .
Futini për pak zierje dhe kur të jenë gati lërini të ftohen , duke i spërkatur me vaj ulliri dhe kripë . Zjeni po ashtu pastën dhe lëreni në letër kuzhine të pushojë .
Lyeni tavën me vaj ulliri dhe më pas nisni të vendosni shtresë pas shtrese , në fillim patatet , pastaj pastën duke i alternuar me salcën e borzilokut , djathin dhe bishtajat , derisa të krijohet pamja e një lazanje klasike . Sipër shtojini djathin dhe bishtajat , vendosini një shtresë me salcën e borzilokut dhe vendoseni për pjekje në një furrë të parangrohur në 180 ° C për gjysmë ore .
