Mëlçi viçi me qepë

Ushqime

Mëlçi viçi me qepë

Më: 12 tetor 2021 Në ora: 15:39
Foto ilustrim

Një pjatë e thjeshtë, e shpejtë dhe e shijshme. Shkon shumë e shoqëruar me pure patatesh, të cilin mund ta blini të gatshme ose ta përgatisni në këtë mënyrë: Patatet i qërojmë , i shpërlajmë mirë dhe i presim në copa më të vogla dhe i ziejmë me ujë. Pasi kanë zier, kullojmë ujin dhe i shtypim me shtypësen e patateve. Më pas shtojmë gjalpë sipas sasisë së patateve, pak qumësht, kripë dhe e përziejmë në zjarr aq sa bëhet kremoze.

Mëlçia me qepë
Përbërësit: 500 g mëlçi viçi, 4 qepë të thata, 3-4 gjethe dafine, 2 thelpinj hudhër, 2 lugë gjelle salcë domatesh, 1/2 gotë uji verë e kuqe ( sipas dëshirës), vaj ulliri, kripë, piper, fara speci djegës ( sipas dëshirës).

Përgatitja: Në një tigan të thellë hedhim vajin, shtojmë qepët e prera për së gjati kripë, piper dhe fara speci djegës. Pasi shohim që po skuqen pak, shtojmë hudhrat, gjethet e dafinës dhe mëlçitë e prera kubikë. Vazhdojmë skuqjen e tyre në zjarr të ulët dhe me kujdes. Pasi shohim që qepa dhe mëlçitë janë skuqur mirë, shtojmë salcën e domates dhe një gjysmë gote ujë.

E mbyllim tiganin me kapak dhe e lejmë të ziejë në zjarr të ulët dalëngadalë. Pasi shohim që uji avullon, shtojmë verën dhe më pas gjysmën tjetër të ujit. E përziejmë mirë dhe kur shohim që salca është trashur me shumë pak lëng dhe qepa është shkrirë e heqim nga zjarri. Kontrolloni sasin e kripës dhe në fund mund ta shoqëroroni me pure, patate skuqura, oriz basmat etj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat