Disa ushqime të kombinuara me një mënyrë jetese të shëndetshme mund të forcojnë sistemin tuaj imunitar, gjë që mund të zvogëlojë ndjeshëm shanset për t’u prekur nga një ftohje ose grip. “Çelësi”, sipas ekspertëve, është të mos prisni derisa të sëmureni për të bërë këto ndryshime.
Preferoni ushqime të freskëta
Ushqimet e freskëta janë më të mira për të forcuar sistemin imunitar pasi merrni të gjitha përfitimet ushqyese. Për shembull, ngrënia e një portokalli të freskët jo vetëm që ju jep vitaminë C, por edhe një kombinim të lëndëve ushqyese si magnez, kalium, acid folik, vitaminë B-6 dhe flavonoidë të pasur me antioksidantë.
Fruta dhe perime
Ngrënia e shumë frutave dhe perimeve mund të ndihmojë në forcimin e sistemit imunitar. Ne priremi të konsumojmë më pak gjatë muajve të dimrit kur duhet të bëjmë të kundërtën. Kemi nevojë për pesë racione frutash dhe perimesh çdo ditë për të marrë vitaminat, mineralet, fibrat dhe antioksidantët, që nevojiten për një sistem imunitar të shëndetshëm.
Mos harroni proteinat dhe drithërat
Është ideale të përfshini mishin, peshkun, qumështin me pak yndyrë, bishtajoret, drithërat dhe arrat në dietën tuaj. Burimet e proteinave si mishi pa yndyrë, bulmeti, vezët dhe bishtajoret janë veçanërisht të rëndësishme sepse ato sigurojnë aminoacidet që i nevojiten trupit për të ndërtuar komponentët e sistemit imunitar.
