Ja si të përgatisni lazanjë në mënyrë perfekte

Ushqime

Ja si të përgatisni lazanjë në mënyrë perfekte

Më: 6 dhjetor 2021 Në ora: 08:21
Foto ilustrim

PËRBËRËSIT: 1 pako petë lazanja, 500 g mish viçi i grirë, 750 ml salcë domatesh, 2-3 thelpinj hudhër, 1 degë selino, kripë, piper, spec i bluar, vaj ulliri dhe borzilok. Për beshamelin: 1,4 litër qumësht, 140 g miell, 140 g gjalpë, kripë, arrë moskat, 100 g djathë i grirë Grana, 300-400 g mozzarella.

PËRGATITJA: Skuqim fillimisht qepën derisa të zbutet. Shtojmë më pas perimet një nga një dhe i skuqim me qepët. Në fund shtojmë mishin dhe do i skuqim bashkë dhe për disa minuta. I hedhim kripë, piper dhe erëza të tjera sipas dëshirës. E shuajmë edhe me 1 gotë verë të kuqe. Ne fund shtojmë salcën e domateve dhe e lëmë të ziejë për 1 orë ose edhe më shumë në zjarr të ngadaltë. Në fund i shtojmë disa gjethe borzilok dhe salca është gati.

Këtë salcën kështu mund ta ruani në frigorifer në kavanoz të mbyllur mirë dhe e përdorni kur të doni për të bërë makarona ose lazanja kur të doni. Përgatisim beshamelin duke shkrirë fillimisht gjalpin dhe duke skuqur miellin. Shtojmë qumësht dhe e përziejmë që të mos krijohen kokrriza. E rregullojmë me kripë dhe arrë moskat. Kur salca është gati shtojmë 1-2 garuzhde beshamel te salca dhe fillojmë e shtrojmë lazanjën.

Vendosim petët sipër, salcë, beshamel, mozzarella të ndarë në kubikë dhe pak djathë të grirë. Kështu për çdo shtresë deri sa i përfundojmë. E pjekim në furrë për 35-40 min në 220-230 gradë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat