Fileto viçi në tavë me domate

Ushqime

Fileto viçi në tavë me domate

Më: 13 janar 2022 Në ora: 16:42
Foto ilustrim

PËRBËRËSIT: 

300 g fileto viçi, 2 kokrra qepë, 2 kokrra domate, 1 filxhan pure domatesh, 2 thelpinj hudhra, gjethe dafine, vaj ulliri, kripë dhe piper.

PËRGATITJA: 

Nëse filetot e viçit nuk i kemi të prera, mund të vendosim pjesën e tulit pak në frigorifer të mpikset dhe me pas e presim mishin. Pasi presim filetot i hapim në tavolinën e punës dhe i rrahim lehtë me çekiç druri. I u hedhim pak kripë pak piper sipër. Fileton e skuqim në një tigan me vaj të ngrohur jo të nxehur. Në zjarr të ngadalshëm, filetos do t'i japim skuqje sa të zverdhet. Më pas i heqim nga tigani dhe i vendosim në një tavë të lyer me pak vaj ulliri. Sipër çdo filetoje do të hedhim nga 1 lugë pure domate, domate të grirë, qepë të prerë, hudhër, gjethe dafine nëse dëshirojmë dhe 1 filxhan ujë. Tavën e fusim në furrë të para ngrohur në 220 °C për 15-20 minuta. E shërbejmë nëpër pjata të shoqëruar më salcën e krijuar. Fileto viçi, shoqërohet me perime të pjekura ose të ziera.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat