Sekreti që perimet dhe frutat e prera të qëndrojnë të freskëta për 24 orë

Ushqime

Sekreti që perimet dhe frutat e prera të qëndrojnë të freskëta për 24 orë

Më: 2 korrik 2022 Në ora: 23:14
Foto ilustrim

Përgatitja e frutave dhe perimeve para se t’i gatuani është një proces lehtësues, por sapo t’i prisni ato, do të marrin menjëherë një ngjyrë kafe. Kjo është shumë e bezdisshme, sidomos për ato të cilët nuk kanë shumë kohë për të gatuar. Por, ka një truk të thjeshtë se si t’i mbani ato të freskëta, madje edhe 1 ditë të tërë. Për këtë ju nevojitet vetëm pak mjaltë dhe ujë, shkruan shije.al. Lënia e perimeve dhe frutave të prera në ujë me mjaltë për 30 sekonda i pengon ato të marrin një ngjyrë kafe duke rezistuar deri në 24 orë. Ky truk funksionon më së miri për shkak se mjalti përmban peptide, një komponent që pengon enzimën polifenol nga konvertimi i komponimeve fenolike në pigmente të errëta.

Përbërësit:

2 lugë çaji mjaltë

1 gotë ujë

Udhëzime:

Shtoni mjaltin në një gotë me ujë dhe trazojeni derisa të shkrihet plotësisht. Hidheni përzierjen mbi frutat ose perimet e prera dhe lërini për aq kohë sa dëshironi, deri në moment që do t’i përdorni.

Nëse nuk ju pëlqen mjalti, në vend të tij mund të përdorni lëng limoni për të parandaluar nxirjen e frutave/perimeve të prera. Më pas largojini nga përzierja dhe lërini mënjanë në një enë të pastër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat