Cili është speci më djegës në botë?

Ushqime

Cili është speci më djegës në botë?

Më: 8 gusht 2022 Në ora: 23:37
Foto ilustrim

Jeni adhurues i ushqimeve pikante? Po speci më djegës në botë? Ky spec njihet nga Libri i Rekordeve Guinness si më “i nxehti” në botë.

Vlerësohet se ka 50.000 lloje të specit djegës në botë, që është rezultat i zbutjes së kësaj bime më shumë se 6.000 vjet më parë në Peru dhe Meksikë. Specat djegës ndahen në pesë kategori - Capsicum annuum, Capsicum chinense, Capsicum frutescens, Capsicum baccatum dhe Capsicum pubescens.

Speci më djegës në botë është Carolina Reaper, i rritur nga Ed Currie i kompanisë PuckerButt Pepper në Fort Mill, Karolina e Jugut. 

I njohur si speci më djegës në Librin e Rekordeve Botërore Guinness, Carolina Reaper ka arritur një kulm prej rreth 2.2 milionë Scoville Heat Units. Kjo është shkalla e përdorur për të renditur sa janë specat djegës. 

Në krahasim, specat jalapeno përmbajnë rreth 2.500 deri në 8.000 SHU dhe speci kajen 30.000 deri në 50.000 SHU.

A mund ta konsumoni në mënyrë të sigurt Carolina Reaper? Për disa, kjo ide mund të mos u shkojë kurrë. 

Në vitin 2018, një burrë (34) shkoi në dhomën e urgjencës duke u ankuar për dhimbje koke të forta vetëm disa ditë pasi kishte ngrënë këtë spec. 

Newsweek raportoi se një skanim i trurit zbuloi arteriet e ngushtuara që përfundimisht u kthyen në normale pesë javë më vonë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat