Studim / Ngrënia e ushqimeve të përpunuara sjell vdekjen e parakohshme

Ushqime

Studim / Ngrënia e ushqimeve të përpunuara sjell vdekjen e parakohshme

Më: 18 nëntor 2022 Në ora: 23:47
Foto ilustrim

Sipas një studimi të ri ekziston një lidhje “alarmante” midis rritjes së konsumit të ushqimeve të përpunuara si buka e bardhë e prerë në feta dhe pijet freskuese me sheqer që mund të sjellin vdekjet e parakohshme.

Shkencëtarët studiuan normat e vdekjeve në Brazil në vitin 2019 dhe zbuluan se rritja e konsumit të ashtuquajturave “ushqime ultra të përpunuara” (UPF) kontribuoi në më shumë se 10 për qind të të gjitha vdekjeve të parakohshme.

Hulumtimi, i publikuar së fundmi në American Journal of Preventive Medicine , zbuloi se UPF-të që përmbajnë pak ose aspak ushqime të plota në përbërësit e tyre kanë sjell  rreth 57,000 vdekje të parakohshme në vendin e Amerikës së Jugut atë vit.

Ushqimet ultra të përpunuara si ushqimet e pjekura të paketuara, ushqimet e gatshme, picat e ngrira, pijet me sheqer dhe drithërat janë një pjesë e zakonshme e dietave moderne, por një numër në rritje i studimeve i lidh ato me një sërë kushtesh të pafavorshme shëndetësore, duke përfshirë obezitetin ,demenca dhe kanceri.

Shkencëtarët gjithashtu theksojnë se UPF-të janë të ulëta në proteina dhe fibra, dhe të rënda në sheqer, yndyrë dhe kripë të shtuar.

“Konsumimi i ushqimeve ultra të përpunuara përfaqëson një shkak të rëndësishëm të vdekjes së parakohshme. Reduktimi i marrjes së ushqimit ultra të përpunuar do të nxiste përfitime të konsiderueshme shëndetësore për popullatën dhe duhet të jetë një prioritet i politikës ushqimore për të reduktuar vdekshmërinë e parakohshme, “shkruan studiuesit në studim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat