Për çaste gëzimi: Ëmbëlsira çokollatë me jogurt

Ushqime

Për çaste gëzimi: Ëmbëlsira çokollatë me jogurt

Më: 28 nëntor 2022 Në ora: 06:14
Ëmbëlsira çokollatë me jogurt

Gatuhet shpejt, nuk kushton shumë, ndërkaq ka shije fantastike

Përbërësit:

• Biskota,
• Dy gota (prej 2 dl) jogurt,
• Dy gota miell,
• Një gotë vaj,
• Dy gota sheqer,
• Dy lugë kakao pluhur,
• Një lugë e vogël sodë buke.

Për lyerje:

• 100 ml qumësht,
• 100 g çokollatë,
• 5 lugë sheqer,
• Një lugë e vogël gjalpë.

Përgatitja:

Të gjithë përbërësit për biskota përzieni, qitni në tepsinë e lyer dhe në të cilën keni qitur miell dhe piqeni në 180 gradë rreth 20-25 minuta. Verifikoni me maje thike a janë pjekur biskotat.

Për lyerje, të gjithë përbërësit shkrini në zjarr të ulët dhe të ngrohtë lyeni ëmbëlsirën e ngrohtë.

Prisni që të ftohet dhe futeni në frigorifer të qëndrojë së paku dy orë para se ta servirni.

Dekorojeni sipas dëshirës.

Ju bëftë mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat