A është e shëndetshme buka me brumë të thartuar? Ja përfitimet në organizëm

Ushqime

A është e shëndetshme buka me brumë të thartuar? Ja përfitimet në organizëm

Më: 15 shtator 2023 Në ora: 17:57
Foto ilustrim

Kjo lloj buke ka fituar shumë popullaritet kohët e fundit. Njerëzit e duan bukën me brumë të thartuar, jo vetëm për shijen unike, por edhe për vlerat ushqyese më të shëndetshme në krahasim me llojet e tjera të bukëve.

Por, çfarë është buka me brumë të thartuar?

Njësoj si shumica e bukëve të tjera që ju blini në një furrë buke apo në supermarkete, në vend të majasë së paketuar, kjo bëhet me “farën e bukës”, një kulturë e gjallë e mikrobeve si bakteret e acidit laktik që kultivohen nga mielli dhe ndikohen nga temperatura e ambientit dhe kushtet ku ruhet. Në momentin që kjo farë buke përzihet me ujë dhe miell, krijohet një brumë i trashë i ngjashëm atë të petullave.

Kur përzihet me miell, ujë dhe kripë për të bërë bukën, brumi fermentohet për të prodhuar një maja natyrale. Ky fermentim ndihmon në zbërthimin e disa proteinave që gjenden në miell, duke përfshirë glutenin.

Sekreti i bukës me brumë të thartuar qëndron edhe tek koha e pjekjes, një metodë e vjetër që daton rreth vitit 1500 para Krishtit në Egjiptin e lashtë. Shija dhe aroma e veçantë e bukës janë unike dhe kjo për shkak të acidit acetik të prodhuar gjatë fermentimit.

A është e shëndetshme kjo lloj buke?

Është e vështirë të mohosh lëndët ushqyese të shëndetshme të kësaj buke. Proteina, fibra, hekur, selen, mangan, bakër dhe vitamina B si B12, folate, tiaminë, niacinë dhe riboflavinë janë vetëm disa prej këtyre vlerave. Plus, në bukën me brumë të thartuar, ka sasi të dukshme të kaliumit, zinkut dhe fosforit.

Shëndeti i zorrëve

Fermentimi i nevojshëm për të bërë bukën me brumë të thartuar fillon të shpërbëjë disa nga proteinat në miellin e grurit, duke përfshirë glutenin dhe buka është lehtësisht e tretshme për ata që janë të ndjeshëm ndaj produkteve me bazë gruri apo glutenit.

Shëndeti imunitar

Nëse e konsumoni shpesh këtë lloj buke, përfitimet e sistemit imunitar janë të shumta. Mikrobioma që gjendet në të ndihmon në rregullimin e inflamacionit dhe sistemit imunitar.

Shëndeti i zemrës

Fibrat në bukën e thartë si kaliumi, fosfori dhe natriumi ndikojnë në një dietë të shëndetshme për zemrën. Fibrat e tretshme që gjenden në këtë lloj buke lidhen me kolesterolin dietik në zorrën e hollë, duke ndihmuar që kjo yndyrë të kalojë përmes sistemit të tretjes dhe të mos përthithet nga organizmi.  

comment Për komente lëvizni më poshtë
Më të lexuarat
Sot mund të lexoni Shfletoni kopertinat