Menopauza shënon ndryshime të rëndësishme në jetën e grave që zakonisht ndodhin në fund të të dyzetave ose në fillim të të pesëdhjetave.
Një shqetësim për shumë gra gjatë këtij tranzicioni është rritja e rrezikut të shtimit të peshës, veçanërisht rreth barkut, i cili mund të përkeqësohet nga ndryshimet hormonale dhe ndërrimet metabolike.
Nutricionistja dhe dietologia Krutika Nanavati zbuloi për She Finds se cilat ushqime duhet të hanë më shpesh gratë në menopauzë dhe cilat do t’i ndihmojnë të kontrollojnë peshën e tyre.
Peshku i pasur me acide yndyrore omega-3
Peshqit e pasur me acide yndyrore omega-3, si salmoni, sardelet dhe skumbri, luajnë një rol të rëndësishëm në reduktimin e inflamacionit dhe mbështetjen e kontrollit të peshës në menopauzë, shkruan Index.hr, transmeton Klankosova.tv.
Nutricionistja shpjegon se “omega-3 në peshq si salmoni, skumbri dhe sardelet i ndihmon gratë mbi 40 vjeç gjatë menopauzës. Ka veti anti-inflamatore që mund të përmirësojnë metabolizmin dhe djegien e yndyrës, si dhe të mbështesin shëndetin e zemrës dhe funksionin njohës”.
Perime me gjethe
Zarzavatet me gjethe janë të ulëta në kalori dhe të larta në fibra, duke i bërë ato një zgjedhje të shkëlqyer për të nxitur ngopjen dhe për të mbajtur një peshë të shëndetshme gjatë kësaj faze kalimtare të jetës. Kjo lloj perimesh njihet për lëndët ushqyese dhe antioksidantët që kanë shumë përfitime shëndetësore.
Drithërat e plota
Duke shtuar drithëra në dietën e tyre, gratë mund të stabilizojnë nivelet e sheqerit në gjak, të nxisin ngopjen dhe të mbështesin shëndetin e tretjes, të gjitha këto janë çelësi për menaxhimin e peshës gjatë menopauzës. Për më tepër, fibrat në drithërat ndihmojnë në rregullimin e niveleve të kolesterolit dhe në përmirësimin e shëndetit të zemrës, raporton She Finds, transmeton Klankosova.tv.
“Përfshirja e drithërave të plota si quinoa, orizi dhe elbi ofron një përfitim të dyfishtë për gratë mbi 40 vjeç. Së pari, drithërat janë të pasura me fibra, të cilat promovojnë ngopjen dhe ndihmojnë në kontrollin e oreksit. Ka edhe veti anti-inflamatore që mund të lehtësojnë simptomat e menopauzës dhe përshpejtojnë metabolizmin”, shpjegon dietologia.
