Familja e kërkonte prej disa ditësh! Gjendet i dekompozuar trupi i 71-vjeçares në afërsi të Petroliferës në Vlorë

Vlora

Familja e kërkonte prej disa ditësh! Gjendet i dekompozuar trupi i 71-vjeçares në afërsi të Petroliferës në Vlorë

Më: 13 tetor 2021 Në ora: 10:55
Foto nga vendi i ngjarjes

Turpi i pajetë i një gruaje është gjetur mëngjesin e sotëm në zonën e Petroliferës në Vlorë.

Ndërkaq, policia ka zbuluar më tepër detaje rreth viktimës. Në informacionin e dhënë mësohet se trupi i pajetë i përkiste shtetases me inicialet N.M., 71-vjeç.

Mësohet se ajo të jetë larguar nga banesa më datë 09.10.2021 dhe se vuante nga skleroza.

Trupi i 71-vjeçares u gjet nga peshkatarët pranë shkëmbinjve në afërsi të molit të Petroliferës.

“Në vijim të informacionit paraprak të dhënë pak më parë mbi gjetjen e një trupi të pajetë në afërsi të molit të Petroliferës, u bë e mundur identifikimi e shtetases N. M, 71 vjeç, e cila ishte larguar nga banesa me datë 09.10.2021 dhe vuante nga skleroze”, njofton policia.

Vijon puna për sqarimin e plotë e rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat