Hotelet turistike në Vlorë humbën ukrainasit dhe bjellorusët, shpresa e vetme mbeten shqiptarët e Kosovës dhe Maqedonisë

Vlora

Hotelet turistike në Vlorë humbën ukrainasit dhe bjellorusët, shpresa e vetme mbeten shqiptarët e Kosovës dhe Maqedonisë

Më: 4 prill 2022 Në ora: 21:13
Foto ilustrim

Turizmi në Vlorë mbështetet të fluksi vendas por më së shumti nga turistët e Europës lindore që zakonisht nisnin pushimet që në muajin prill.

Por këtë vit ukrainasit dhe bjellorusët do mungojnë për shkak të luftës, dhe kjo duket edhe tek prenotimet e anuluara, veçanërisht nga këto dy vende.

Një vit më parë në këtë kohe turistët kishin mbërritur, ndërsa sot në Vlorë janë vetëm disa familje të refugjatëve të ikur nga lufta.

Kjo shtyn operatorët turistikë të mendojnë se do përballen me një vit turistik aspak të mirë ndërsa edhe kostot janë rritur.

Por ky nuk është i vetmi shqetësim.

Në Vlorë përveç turistëve mungojnë edhe punëtorët.

Çdo hotel e restonat në qytet ka mungesa në personel.

Vlora për një muaj pret nisjen e sezonit turistik, shpresa e vetme mbeten shqiptarët e Kosovës dhe Maqedonisë së veriut që pritet të mbërrijnë pas përfundimit të muajit te Ramazanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat