Gjendet një automjet i djegur në Vlorë, dyshohet se është i njëjti që u grabit në Lushnjë

Vlora

Gjendet një automjet i djegur në Vlorë, dyshohet se është i njëjti që u grabit në Lushnjë

Më: 10 tetor 2022 Në ora: 17:12
Foto ilustrim

Ditën e sotme është gjetur një automjet tip “Benz” i djegur në qytetin e Vlorës.

Sipas burimeve, bëhet me dije se automjeti në fjalë është i njëjti me atë që u grabit mbrëmjen e djeshme në qytetin e Lushnjës.

Gjithashtu mësohet se mjeti është gjendur në afërsi të lagjes “10 korriku” në Vlorë.

Makina e grabitur mbrëmjen e djeshme në Lushnjë, ishte në pronësi të shtetasit Martino Peqini, i cili bëri kallëzimin në polici.

“Mbrëmjen e djeshme, kallëzon shtetasi M. P., banues në Divjakë, se në vendin e quajtur “Pushimi i shoferit”, Lushnjë, persona të paidentifikuar, i kanë marrë me dhunë, automjetin tip “Benz”, me të cilin po udhëtonte. Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorit/ëve. Materialet i kaluan Prokurorisë, për veprime të mëtejshme procedurale”, njoftoi policia.

Policia po verifikon edhe target, ëpr të parë nëse ato janë ndryshuar. Mjeti është gjetur i parkuar në një rrugicë dytësore pranë lagjes “10 korriku”, ndërsa po kontrollohen edhe kamerat e sigurisë, për të verifikuar lëvizjes deri në atë zonë, identifikimin e personit apo personave që mund të kenë qenë në brendësi të tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat