Dallgë deri në 3,5 metra në Vlorë, pezullohet lundrimi për anijet e peshkimit

Vlora

Dallgë deri në 3,5 metra në Vlorë, pezullohet lundrimi për anijet e peshkimit

Më: 20 nëntor 2022 Në ora: 08:05
Foto ilustrim

Në bazë të parashikimit për situatën hidrometeorologjike të përkeqësuar në gjirin e Vlorës për datën 19, 20, 21, 22 nëntor 2022 në drejtim të jugut dhe juglindjes në gjirin e Vlorës parashikohet që lartësia e dallgëve të shkojë nga 1.80 deri 3.50 metra.

Në këto kushte autoritetet kanë ndaluar dhënien e lejes për lundrimin e të gjitha mjeteve të vogla lundruese, anijeve të peshkimit që operojnë jashtë gjirit të Vlorës dhe marrjen e masave për sigurimin e tyre.

“Mjetet e vogla lundruese dhe anijet e peshkimit që operojnë brenda gjirit të Vlorës të kenë në konsideratë kushtet e parashikuara të përkeqësuara dhe marrjen e masave për sigurimin e tyre. Njoftohen të gjithë drejtuesit anijeve të peshkimit dhe mjetet e vogla lundruese për situatën e përkeqësuar dhe të merren masat për sigurimin e mjeteve në vendet e akostuara dhe parandalimin e ngjarjeve dhe situatave gjatë datave  19, 20, 21, 22 nëntor 2022. Anijet e transportit ndërkombëtar detar vazhdojnë të operojnë normalisht”, thuhet në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat