Kampionati botëror i xhudos: Majlinda kërkon medalje nesër - Bota Sot
Kampionati botëror i xhudos: Majlinda kërkon medalje nesër

Xhudo

Kampionati botëror i xhudos: Majlinda kërkon medalje nesër

Më: 25 gusht 2019 Në ora: 23:57
Majlinda Kelmendi

Majlinda Kelmendi nesër do të garojë në Kampionatin Botëror të xhudos, që po zhvillohet në Tokio të Japonisë.

Garat filluan sot – ku Distria Krasniqi e fitoi medaljen e bronztë – derisa do të zgjasin deri më 1 shtator, transmeton Insporti.

Shorti i hedhur për këto gara për Majlindën është i pavaforshëm sepse do të përballej si me Ai Shishimen, ashtu edhe me Uta Aben – dy japonezet që shihen si kundërshtare shumë të forta – para finales.

Majlinda, në kategorinë -52 kilogramë në rrethin e parë është e lirë, derisa për rrethin e dytë, shorti e ka vënë përballë fitueses së duelit Madelene Rubinstein – Luz Olvera.

Në rrethin e radhës, ajo në rast fitoreje do të ndeshej me fituesen e dueleve ndërmjet Sabiana Anestor e Tinka Easton, dhe Agata Perenc e Salimata Fofana.

Më pas, ajo mund të ketë përballë japonezen 25-vjeçare Ai Shishime, në çerekfinale të kampionatit botëror, në rast se triumfon edhe ndaj fitueses nga katërshja Anestor – Easton e Perenc – Fofana, gjithnjë në rast se fillimisht e kalon fituesen e duelit Olvera – Rubinstein.

Majlinda më pas do të mund të përballej me Uta Aben, që shihet si dueli më interesant i mundshëm në këtë kampionat botëror.

Abe, ashtu si Majlinda, kanë thënë se mezi do e prisnin përballjen ndaj njëra tjetrës.

Por, dueli ndërmjet Majlindës e 19-vjeçares Abe, nuk do të ishte në finalen e madhe për medaljen e artë, por në gjysmëfinale.

Të dy xhudistet do të duhet të mposhtin të gjithë kundërshtarët deri në çerekfinale, ku më pas në gjysmëfinale do të ndesheshin me njëra-tjetrën.

Abe është një herë kampione e botës, kur në Baku vitin e kaluar e kishte fituar medaljen e artë.

Majlinda, dy herë kampion e botës, kishte fituar të artën në Rio në vitin 2013, dhe në vitin 2014 në Chelyabinsk.

Ajo garat e saj në kërkim të medaljes së tretë të artë në kampionate botërore, në Botërorin e Tokios do t’i ketë nesër (e hënë).

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...