Anëtari i Kryesisë së LDK’së, Avdullah Hoti, ka paralajmëruar se të gjitha emërimet kundërligjore që po ndodhin për ministritë e Qeverisë së Kosovës do të anulohen.
Ai ka thënë se Qeveria e re nuk do t’i respektojë vendimet joligjore të Qeverisë në shkuarje.
“Ta kenë të qartë të gjithë se këto vendime janë joligjore. Ata që po i marrin këto vendime të jenë të sigurt se do të bartin pasojat ligjore për shkelje të ligjeve. Kam frikë se zyrtarët që po emërohen po mashtrohen keq. Qeveria e ardhshme e koalicionin nuk do të respektojë vendimet që janë marrë në mënyrë joligjore”, ka thënë Hoti.
Lexojeni të plotë reagimin
Në ditët e fundit të mandatit, shumë ministra po emërojnë zyrtarët e tyre nëpër pozita në mënyrë joligjore. Ministria e Punëve të Jashtme është kampion në këtë drejtim.
Shumë zyrtarë janë emëruar nëpër ambasada, por edhe brenda ministrisë, në mënyrë joligjore. Raste të tilla ka edhe në Ministrinë e Arsimit, në Ministrinë e Kulturës dhe në ministritë e tjera. Kryeministri në detyrë i hapi rrugën këtij veprimi jo ligjore, duke e emëruar më herët sekretarët permanentë dhe disa drejtorëve të agjencive.
Ta kenë të qartë të gjithë se këto vendime janë joligjore. Ata që po i marrin këto vendime të jenë të sigurt se do të bartin pasojat ligjore për shkelje të ligjeve. Kam frikë se zyrtarët që po emërohen po mashtrohen keq.
Qeveria e ardhshme e koalicionin nuk do të respektojë vendimet që janë marrë në mënyrë joligjore