Aleatët nuk e ndalin fushatën derisa Gadafi të shkojë - Bota Sot
Aleatët nuk e ndalin fushatën derisa Gadafi të shkojë

Bota

Aleatët nuk e ndalin fushatën derisa Gadafi të shkojë

Më: 15 prill 2011 Në ora: 08:30

Udhëheqësit e Britanisë, Francës dhe Shteteve të Bashkuara zotohen të vazhdojnë fushatën ushtarake në Libi derisa lideri Moamer Gadafi të lërë pushtetin.

Në një artikull të përbashkët të botuar në gazetat në të dyja anët e Atlantikut, Dejvid Kamerun, Nikola Sarkozi dhe Barak Obama thanë se mbetja e Gadafit në pushtet do të ishte "tradhëti e paarsyeshme" e popullit të Libisë.

Më herët, ministrat e jashtëm të NATO-s i mbështetën thirrjet që Gadafi të lërë pushtetin, dhe thanë se aleanca do ta vazhdojë misionin e saj në Libi për aq sa të ketë nevojë.

Ndërkohë, rebelët libianë kanë bërë thirrje për më shumë sulme ajrore dhe thanë se ata po përballen me masakër nga forcat qeveritare, të cilat të enjten e bombarduan qytetin Misrata me raketa.

Aeroplanët e NATO-s i bombarduan caqet në Tripoli, ku televizioni shfaqi pamje të Gadafit duke kaluar nëpër rrugët e qytetit.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...