Piloti adoleshent aterroi me aeroplan në Kenia – synon rekordin botëror që i takon një 18-vjeçari

Afrika

Piloti adoleshent aterroi me aeroplan në Kenia – synon rekordin botëror që i takon një 18-vjeçari

Më: 19 maj 2022 Në ora: 23:45
Mack Rutherford, 16 vjeçar

Një nxënës 16-vjeçar, i cili është po kërkon të bëhet personi më i ri që fluturon i vetëm rreth botës, aterroi aeroplanin e vogël në kryeqytetin e Kenias, Nairobi.

Mack Rutherford, i cili ka kombësi britanike dhe belge, filloi udhëtimin pran kryeqytetit bullgar, Sofje në muajin mars dhe po kërkon të arrijë një rekord botëror “Guinness”, i cili aktualisht mbahet nga bashkatdhetari i tij, Travis Ludlow, i cili ishte 18 vjeçar kur arriti këtë sukses, raporton cnn.

“Unë shpresoj që me këtë udhëtim, të frymëzoj të rinjtë që të ndjekin ëndrrat e tyre”, tha Rutherford.

Prodhuesi i aeroplanit, Shark Aero, e konsideroi udhëtimin shumë të rrezikshëm dhe nuk pranoi të bashkëpunonte me projektin e Rutherfordit.

“Mack është pa dyshim një pilot i aftë. Megjithatë, ne nuk ndihemi komod që të shtyjmë kufirin e moshës në pikën më të ulët të mundshme për udhëtime ku një nivel i caktuar rreziku nuk mund të shmanget”, njoftoi kompania.

Ndërkohë, Rutherford do të vizitojë katër vende të tjera afrikane dhe të Oqeanit Indian, përpara se të niset për në Lindjen e Mesme, Azi dhe Amerikën e Veriut dhe më në fund të kthehet në Evropë.

I ardhur nga një familje pilotësh, Rutherford fillimisht mori drejtimin e një aeroplani në moshën shtatë vjeçare, i ulur përkrah babait të tij.

Në moshën 15-vjeçare ai u bë piloti më i ri në botë dhe tani po ndjek gjurmët e motrës së tij më të madhe Zara, e cila si 19-vjeçare u bë gruaja më e re që fluturoi rreth botës. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat