Deputeti nga radhët e LDK-së, Driton Selmanaj, ka reaguar ndaj sondazhit të VV-së, ku LDK renditet e para.
Përmes një postimi në llogarinë e tij në Facebook, Selmanaj ka thënë se sondazhet për një vit rresht e nxjerrin LDK-në të parën, me së paku 8 për qind përpara VV-së, përcjell Bota sot.
Më tutje ai ka thënë se ky rezultat i mundëson LDK-së, që të udhëheq me Qeverinë e Kosovës.
Postimi i tij i plotë:
Sondazhet për një vit rresht e nxjerrin LDK-në të parën me mbi 30%, me së paku 8 pikë të përqindjes përpara partisë së dytë. Me trendin e rritjes të vitit 2018, LDK-ja shpejt arrinë 35% të përkrahjes qytetare.
Ky rezultat i mundëson LDK-së të udhëheq me Qeverinë e Kosovës. Dhe për këtë LDK-ja nuk bënë kompromis. Qëndrimi i Kryesisë dhe i Këshillit të Përgjithshëm të LDK-së është i qartë, Qeveria e Kosovës do të udhëhiqet nga Kryeminsitri i LDK-së.
LDK-ja është qartë alternativa më e besueshme për ruajtjen e shtetit dhe tërësisë territoriale të Republikës së Kosovës, për zhvillim ekonomik e social dhe për integrim në BE.
LDK-ja nuk bënë kompromis me përgjegjësinë që i japin qytetarët për të udhëhequr me shtetin.