(E plotësuar) - Grupi për Studime Juridike dhe Politike (GLPS) sot ka prezantuar analizën e projektligjit mbi detyrime, përgjegjësitë dhe kompetencat e delegacionit shtetëror në procesin e dialogut dhe përfundimet nga studimi me temën “Një marrëveshje finale që mund ta vë Kosovën në një udhëkryq: Disa mësime nga shtetet e kontestuar në të kaluarën”.
Përparim Kryeziu nga GLPS, ka thënë se nëpërmjet studimit të lartpërmendur argumenton rrezikun që përfshirja e ndryshimit të territorit në agjendën e marrëveshjes finale ka në relacion me shtetësinë e Kosovës.
Kryeziu ka thënë se studimi përmban disa mësime nga rastet e formimit të shteteve të reja në rendin ndërkombëtar, të cilat sinjalizojnë pikërisht rrezikun që bisedimet për ndryshimin e territorit paraqesin për modelin aktual të shtetësisë së Kosovës.
Kryeziu: Ndryshimi i kufijve atëson Serbinë mbi pavarësinë e Kosovës
“Studimi në përfundim argumenton se marrëveshja finale po që se përbën nevojën për ndryshimin e territorit ose ndryshimin e kufijve ajo prodhon një realitet të ri, si dhe e riformëson shtetësinë e Kosovës, duke i dhënë leje atësore Serbisë mbi pavarësinë e Kosovës. Duhet të kujtojmë se shtetësia e Kosovës është e veçantë pasi që ajo bazohet në disa elemente si asnjë herë më parë në të drejtën ndërkombëtare”, ka thënë Kryeziu.
Ai ka shtuar se opinioni i Gjykatës ndërkombëtare mbi shpalljen e pavarësisë së Kosovës, intervenimi ndërkombëtare dhe dokumenti i presidentit Ahtisari formësojnë themelimin e shtetësisë së Kosovës.
Kryeziu ndër të tjera ka thënë se veç diskutimi për ndryshimin e kufijve Kosovë – Serbi, cenon shtetësisë e Kosovës
Kryeziu: Veç diskutimi për kufijtë cenon shtetësinë
“Duke pasur për bazë këtë rrezik, kujtojmë që vet diskutimi mbi nevojën apo arritjen e një marrëveshje që ka për qëllim ndryshimin e kufijve veçse e cenon shtetësinë. Kurse, po qese në të nesërmen arrihet një marrëveshje e shkruar e cila buron prej autoriteteve të autorizuara, edhe po që se ajo në fund nuk ratifikohet, ka arritur të përcaktojë shtetësinë e Kosovës. Dhe duke ditur këtë rrezik, ne konsiderojmë që ekzistojnë disa parakushte për vazhdimin e delegacionit nga pala kosovare, e cila kërkon një pajtim në mes palës kosovare. Dhe fillimisht si parakusht duhet që kuvendi i Kosovës bashkë me delegacionin e Kosovës të rishikoj të gjitha marrëveshjet e deritanishme, mbi marrëveshjet arritura deri më tani mes Kosovës dhe Serbisë për zbatimin e tyre, për sfidat dhe sukseset”, ka deklaruar ai.
Kryeziu ka theksuar po ashtu se delegacioni shtetëror për bisedime Kosovë-Serbi, nuk guxon ose nuk duhet që të përfaqësojë qëndrime negociuese për aq kohë sa këto qëndrime nuk burojnë nga një platformë – dokument të shkruar, i cili do t’i prezantohet Kuvendit të Kosovës dhe e cila do ta ketë pëlqimin e 2/3 e deputetëve.
Kryeziu: Raporti i Qeverisë vazhdon të mos prezantohet në Kuvend
“Ekziston një dokument, ky është raporti i Qeverisë – i qershorit të vitit 2018, i cili ndonëse ekziston në formë të shkruar dhe të printuar, ai vazhdon të mos prezantohet para kuvendit për diskutim. Dhe si rrjedhojë delegacioni shtetëror nëse qëllim ka pikërisht arritjen e një marrëveshje përfundimtare, ai fillimisht duhet ta përkrah iniciativën e opozitës për futjen në rend të ditës, të diskutimit në seancën plenare të Kuvendit të Kosovës, pikërisht raportin e qeverisë i cili ka vlerësuar marrëveshjet deritanishme”, ka thënë Kryeziu.
Në fund ai ka deklaruar se premisa kryesore e negocimit, maksimumi që duhet t’i ofrojë Serbisë, duhet të jetë hapja e rrugës për integrim evropian të Serbisë nëpërmjet normalizimit të marrëdhënieve, por asnjëherë mbi kompromise që mund prodhojnë ri-përcaktim kufijsh apo cenojnë karakterin unitar të shtetit tonë.
GLPS: Ndryshimi i kufijve cenon shtetësinë e Kosovës
Grupi për Studime Juridike dhe Politike (GLPS) sot ka prezantuar analizën e projekt-ligjit mbi Detyrime, Përgjegjësitë dhe Kompetencat e Delegacionit Shtetëror në Procesin e Dialogut dhe përfundimet nga studimi me temën: “Një marrëveshje finale QË MUND TA VË KOSOVËN NË NJË UDHËKRYQ: Disa mësime nga shtetet e kontestuara në të kaluarën
Grupi për Studime Juridike dhe Politike nëpërmjet analizës mbi projektligjin në fjalë vlerëson rolin e kufizuar që delegacioni do të ketë gjatë procesit përmbyllës të dialogut dhe rolin që Kuvendi duhet ta ketë në këtë proces.
Së dyti, GLPS nëpërmjet studimit të lartëpërmendur argumenton rrezikun që përfshirja e ndryshimit të territorit në agjendën e marrëveshjes finale ka në relacion me shtetësinë e Kosovës.
Studimi përmban disa mësime nga rastet e formimit të shteteve të reja në rendin ndërkombëtar të cilat sinjalizojnë pikërisht rrezikun që bisedimet për ndryshimin e territorit paraqesin për modelin aktual të shtetësisë së Kosovës.
Përparim Kryeziu nga GLPS thotë se nëse në marrëveshjen finale Kosovë- Serbi, bëhet ndryshimi i kufijve atëherë do të cenohet shtetësia e Kosovës.
“Duke ditur këtë rrezik, si parakusht kuvendi duhet të rishikoj të gjitha marrëveshjet e arritura Kosovë-Serbi”, tha ai.
