Skënder Hyseni, ish-bashkëpunëtor i ish-presidentit të Kosovës, Ibrahim Rugova, ka thënë se profili Rugovës, sot po i mungon Kosovës.
Hyseni këto deklarata i ka dhënë në televizionin publik.
“Profili i Ibrahim Rugovës i mungon këtij vendi. Ishte njeri që kishte aftësinë e gjetjes së zgjidhjeve për mosmarrëveshjet”, ka thënë Hyseni.
“Ibrahim Rugovën me të drejtë e kanë cilësuar fjalbutë, por me qëndrime të forta. Ai me fuqinë e argumenteve këmbëngulte në pavarësi. Ibrahim Rugova e ka pasur vizionin më të saktë për ecjen e Kosovës drejt pavarësisë. Nuk ka gabuar asnjëherë dhe është i papërsëritshëm”.
