(E plotësuar) - Në vitin 2018 nuk kanë përfunduar vetëm 100 raste nga 1371 sa ishin në punë, në Gjykatën Supreme. Të paktën kështu thotë kryetari i kësaj gjykate, Enver Peci. Ai thotë se suksesi më i madh për vitin 2018 është hartimi i Udhëzuesit për Politikë Ndëshkimore në Kosovë.
Kryetari i Gjykatës Supreme të Republikës së Kosovës, Enver Peci, tha se është evidente se gjykatat dhe gjyqtarët në Kosovë nuk kanë konsistencë në aktgjykimet dënuese.
Sipas tij, dikush për 70 mijë euro dënohet me kusht, ndërsa dikush tjetër për shumë më të vogël, dënohet me 3 vjet burg.
Peci: Nuk ka konsistencë të dënimeve për korrupsion
“ Gjykata gjatë vitit 2018 ka miratuar një udhëzues për politikë ndëshkimore në Kosovë. Ideja ka qenë që si gjykatë, e cila merret edhe me unifikimin e praktikës gjyqësore, kemi vërejt se ka mos konsistencë në matjen e devijimeve... Për vepra të ngjashme penale, në rrethana të ngjashme janë shqiptuar dënime të ndryshme dhe kjo ka krijuar një mosbesim te qytetarët....Dikush për 70 mijë euro dënohet me kusht, dikush për pesë mijë euro me burg dhe kjo me të vërtetë nuk është që ne me bo një rend”, ka thënë Peci.
Peci po ashtu ka folur edhe për rastin e Sali Mekajt, i cili ishte i akuzuar për keqpërdorim të detyrës.
Ai tha se gjykata Supreme ka vërtetuar vendimin e dy shkallëve të gjykatave në lidhje me rastin e ish-kryetarit të Gjykatës së Apelit.
Peci: Është vërtetuar pafajësia e Sali Mekajt
“ Unë sa e di, nuk është konstatuar shkelje, do të thotë është vërtetuar ajo që është vendosur në gjykatat më të ulta, për shkak se nuk kam njohuri kështu me rast konkret, veç sa jam i njoftuar është vërtetuar ajo që është konstatuar në gjykatat tjera”, tha ai.
Ai në një konferencë për media ka pasqyruar punën një vjeçare të kësaj gjykate.
Tha se një nga sukseset me të mëdha, sipas tij është hartimi i Udhëzuesit për Politikë Ndëshkimore në Kosovë.
Mes tjerash, ka treguar edhe numrin e lëndëve të pranuara, ku nga 1371 tha se janë 100 të papërfunduara.
Peci: Vetëm 100 raste të papërfunduara gjatë vitit paraprak
“ Në vitin që lam pas gjithsej i kemi pasur 1371 raste, të pranuara kanë qenë 1151, ndërsa të bartuara prej vitit 2017 kanë qenë 220 raste. Gjyqtarët e kësaj gjykate i kanë përfunduar 1271 raste, do të thotë kanë mbetur pa përfunduar 100 raste. Dhe dëshiroj të ju ceki se këto raste me siguri që kanë ardh ditëve të fundit të vitit 2018, dhe presin epilogun shumë shpejt për t’u përfunduar. Një arritje vecanërisht është e degës penale, për shkak se vetëm tetë raste kanë mbetur pa përfunduar në lëmin penale, dhe ato tetë raste sa janë pa përfunduar, janë në proces për shkak se është kërkuar nga këshillorja e kësaj gjykate dhënie e mendimeve nga institucionet tjera”, tha Peci.
Peci mes tjerash ka theksuar se gjatë vitit 2018 ka pasur raste, kur gjyqtarët kanë përfunduar të gjitha lëndët e pranuara.
Peci tha se janë komod sa i përket numrit të gjyqtarëve. Tha se me 15 gjyqtarë sa janë momentalisht, janë në gjendje të përballojnë të gjitha lëndët që pranojnë.
Peci: Ka gjyqtarë që vitin e kanë kryer me të gjitha lëndët e përfunduara
Kryetari i Gjykatës Supreme të Kosovës, Enver Peci, ka pasqyruar sot punën një vjeçare të kësaj gjykate.
Ai tha se është i kënaqur me punën që është bërë gjatë vitit 2018.
"Më së paku prej viteve të kaluara kanë mbetur lëndë të pa përfunduara. Në vitin që e lamë pas 1371 raste kemi pas, 1551 të pranuara, të bartura 220 raste. 1271 raste janë përfunduara, 100 raste kanë mbetur pa përfunduar. Një arritje është e degës penale, sepse vetëm 8 raste kanë mbetur pa përfunduar. Ka gjyqtarë që vitin e kanë përfunduar me të gjitha lëndët e përfunduara", tha Peci.
Mes tjerash tha se nuk ka pasur konsistencë të dënimeve, duke shtuar se dikush për 70 mijë euro dënohet me kusht.
Gjykata supreme gjatë vitit të kaluar kishte gjetur tri raste kur personat ishin të akuzuar për korrupsion, Peci tha se duhet të bëhen ndryshime të kodit të procedurës, që gjykatës supreme t'i shtohen kompetencat.
Peci ka theksuar se janë komod sa i përket numrit të gjyqtarëve.
"Në këtë situatë si jemi, me 15 gjyqtarë, jemi në gjendje me i përballu këto raste", tha ai.
