“Libreza partiake e AAK-së, 'diplomë' për punësim" - Bota Sot
“Libreza partiake e AAK-së, 'diplomë' për punësim"

Aktuale

“Libreza partiake e AAK-së, 'diplomë' për punësim"

Nga: N.Sh Më: 18 mars 2019 Në ora: 13:49
AAK

Avdullah Hoti nga Lidhja Demokratike e Kosovës thotë se punësimet mbi baza politike e familjare në PTK nuk janë rast i izoluar.

Hoti thotë se tash është publikua lajmi se rreth 60 persona u punësuar në kompaninë “Pastrimi” të lidhur me AAK-në.

Sipas tij, librezat partiake janë bërë “diplomë” për punësim në institucione shtetërore dhe ndërmarrje publike.

“Kjo qasje e koalicionit PAN i shkel të drejtat e 154 mijë personave të papunë, të ri e të reja, burra e gra, të diplomuar në fakultete e zanatlinj”, shkruan Hoti në Facebook, transmeton gazeta “Bota sot”.

Hoti e quan skandaloze deklarimin e kryeministrit Haradinaj se mund të ketë pasur ndikim në këto punësime indirekt.

Lexojeni postimin e plotë:

Punësimet mbi baza politike e familjare në PTK nuk janë rast i izoluar. Sapo u publikua punësimi i rreth 60 personave në kompaninë “Pastrimi” të lidhur me AAK-në. Librezat partiake janë bërë “diplomë” për punësim në institucione shtetërore dhe ndërmarrje publike.

Kjo qasje e koalicionit PAN i shkel të drejtat e 154 mijë personave të papunë, të ri e të reja, burra e gra, të diplomuar në fakultete e zanatlinj.

Përgjigja e Kryeministrit Haradinaj, se mund të ketë pasur ndikim indirekt në këto punësime, është skandaloze. Ambasadorët e SHBA-së, Britanisë së Madhe dhe Gjermanisë kanë reaguar ashpër javën që shkoi.

Ka ardhur koha për reagim qytetar demokratik për të ndaluar këta plaçkitës të shtetit. Çdo i papunë që vendos të reagojë në mënyrë demokratike ndaj këtyre plaçkitësve do të ketë mbështetjen time.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...