OAK përkrah taksën ndaj Serbisë, thotë se prodhimet vendore u rritën 30 përqind - Bota Sot
OAK përkrah taksën ndaj Serbisë, thotë se prodhimet vendore u rritën 30 përqind

Aktuale

OAK përkrah taksën ndaj Serbisë, thotë se prodhimet vendore u rritën 30 përqind

Më: 19 mars 2019 Në ora: 14:05
Foto nga takimi

Hysni Zogaj anëtar i Bordit të Odës së Afarizmit të Kosovës, theksoi se sektori i minierave dhe mineraleve ka probleme të shumta në të bërit biznes.

Zogaj tha se problemet më të theksuara në të bërit biznes janë udhëzimet administrative që janë në kundërshtim me ligjin, siç janë taksat e dyfishta, kufizimi i koncesioneve e të tjera.

Sipas tij, këto barriera e bëjnë të pamundur zhvillimin e këtij sektori.

 “Ne i kemi bërë kërkesë kryeministrit dhe ministres së Bujqësisë që këto udhëzime administrative që janë në kundërshtim me ligjin të hiqen. Përndryshe, nëse nuk hiqet bizneset do të jenë të revoltohen”, tha Zogaj.

Ai foli edhe për taksën 100 përqind ndaj Serbisë dhe Bosnjës, ku tha se kjo odë e përkrah taksën, ngaqë sektori prodhues ka rritur prodhimin 35 përqind.

Ndërsa, Burim Piraj nga kompania “Meka”, tha se taksa 100 përqind ka ndikuar në rritjen e prodhimit dhe zhvillimit bizneseve.

Piraj tha se edhe vendosja e flamujve ka ndikuar pozitivisht tek bizneset.

“Ne si OAK jemi për respektimin e të drejtave për treg të lirë. Por çka po na qet në pah taksa? Kompanitë patën rritje për 30 përqind”, tha Piraj.

I pranishëm në këtë konferencë ishte edhe Ismet Kalanderi pronar i kompanisë “Liri”. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...