Lumezi tregon nga kush u njoftua për rastin e shtetasve turq - Bota Sot
Lumezi tregon nga kush u njoftua për rastin e shtetasve turq

Aktuale

Lumezi tregon nga kush u njoftua për rastin e shtetasve turq

Më: 21 mars 2019 Në ora: 22:48
Kryeprokurori i shtetit, Aleksandër Lumezi

Kryeprokurori i shtetit, Aleksandër Lumezi, ka thënë  se prokuroria e shtetit është duke e hetuar rastin e dëbimit të 6 shtetasëve turq drejt Turqisë në atë që njihet si rasti i shtetasve turq.

Në një intervistë në RTK, ai ka theksuar se hetimet kanë filluar para se të formohet Komisioni parlamentar për këtë rast.

“Ne deri më tani i kemi shqyrtuar edhe këto 32 shkeljet që i ka gjetur Komisioni i Kuvendit, por kemi ndërmarrë edhe veprime konkretet hetimore. I kemi dëgjuar disa dëshmitarë, i kemi dëgjuar edhe disa të dyshuar që vijnë nga institucionet e sigurisë por kemi marrë edhe incizime të cilat janë bërë gjatë deportimit të 6 shtetasve turq. Kemi kërkuar nga AKI të na japin edhe informacione të tjera lidhur me vlerësimin se personat në fjalë e kanë rrezikuar sigurinë kombëtare në Kosovë”, ka thënë Lumezi.

Ai e ka pranuar faktin se si kryeprokuror i shtetit nuk ka qenë i informuar për rastin dhe se informacionin e parë e ka marrë nga amabsada amerikane.

“Jo unë nuk kam qenë i informuar gjatë këtij aksioni. Informacionin e parë e kam marrë nga amabsada amerikane të cilët më kanë thirrur ne telefon dhe kanë kërkuar sqarime se kush i ka dëbuar gylenistët nga Republika e Kosovës. Si kryeprokuror i shtetit nuk kam pasur asnjë informacion lidhur me procedurat për dëbimin e gylenistëve nga Republika e Kosovës”.

Sipas tij në këtë rast janë shkelur të drejtata e shtetasve turq pasi autoritetet vendosën dëbimin pa u shqyrtuar ankesat e tyre nga organet gjyqësore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...