KDI: Deputetët gjatë udhëtimeve në Shqipëri marrin mëditje mjaft të larta - Bota Sot
KDI: Deputetët gjatë udhëtimeve në Shqipëri marrin mëditje mjaft të larta

Aktuale

KDI: Deputetët gjatë udhëtimeve në Shqipëri marrin mëditje mjaft të larta

Më: 22 mars 2019 Në ora: 21:25
Artan Murati

Hulumtuesi i Lartë në KDI, Artan Murati ka thënë se deputetët e Kosovës gjatë udhëtimeve në Shqipëri janë paguar me mëditje të majme nga buxheti i shtetit.

Murati, në “Dossier D” në RTV Dukagjini, ka thënë se në bazë të disa rregulloreve të mëhershme, për udhëtime në Shqipëri parashihen mëditje më të larta.

“Kryesisht grupet punuese për projektligje të caktuara bëhen në Republikën e Shqipërisë dhe normalisht që në këto udhëtime çdoherë parashihen mëditje. Pos mëditjes ka edhe shpenzime të udhëtimit, akomodimit në hotele etj”.

“…Ka pasur raste kur Kryeparlamentari në Shqipëri ka udhëtuar me një staf prej tetë personash, që ne shpeshherë e konsiderojmë si të panevojshme të ketë numër aq të madhe të stafit përfshirë këshilltarët, fotografët zyrtarët e protokollit e kështu me radhë”, tha ai.

Murati ka thënë se deputetët dhe vet Kryesia e Kuvendit duhet të ketë një qasje me ekonomike në raport me shpenzimet e buxhetit.

“Ta ruajnë paranë e shtetit e jo ta shpenzojnë pa pasur nevojë gjithë ato mjete financiare”, tha ndër të tjera Artan Murati.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...