Kryeparlamentari i Kosovës, Kadri Veseli, ka kujtuar pranveren e vitit 1999, ku thotë se, djemtë më të mirë të UÇK-së në ato ditë po binin dëshmor gjithandej Kosovës, përcjell “Bota sot”.
Veseli përmes një postimi në Facebook ka shkruar se, në mesin e tyre ishte edhe Shkelzen Haradinaj, i cili si sot 20 vjet më parë ra dëshmor i lirisë.
Postimi i plotë:
Pranvera e vitit 1999 ishte stina më e përgjakshme në historinë tonë kombëtare. Një popull i tërë po luftonte për jetë a vdekje me gjenocidin serb. Djemtë më të mirë të UÇK-së në ato ditë po binin dëshmor gjithandej Kosovës. Në mesin e tyre ishte Shkelzen Haradinaj, i cili si sot 20 vjet më parë ra dëshmor i lirisë. Lavdia e përjetshme do të qëndroj mbi emrin e tij dhe gjithë heronjëve të kombit.