Presidenti i BERZH-it, Chakrabarti viziton Kosovën - Bota Sot
Presidenti i BERZH-it, Chakrabarti viziton Kosovën

Aktuale

Presidenti i BERZH-it, Chakrabarti viziton Kosovën

Më: 18 prill 2019 Në ora: 07:27
President of the European Bank for Reconstruction and Development

Presidenti i Bankës Evropiane për Rindërtim dhe Zhvillim (BERZH), Sir Suma Chakrabarti, do ta vizitojë sot Kosovën gjatë një turneu në rajonin e Ballkanit Perëndimor në përgatitje për takimin vjetor të Bankës për vitin 2019 që do të mbahet në Sarajevë në muajin maj. Kjo është vizita e parë e Presidentit që nga viti 2016.

Gjatë qëndrimit të tij njëditor, Presidenti Chakrabarti do të takohet me zyrtarë qeveritarë, duke përfshirë Kryeministrin Ramush Haradinaj, Ministrin e Financave, Bedri Hamza dhe Ministrin e Zhvillimit Ekonomik, Valdrin Lluka.

Në takimet e tij, kreu i BERZH-it do ta ritheksojë zotimin e Bankës ndaj shtetit dhe tërë rajonit të Ballkanit Perëndimor.

Ai gjithashtu do ta riafirmojë qëndrimin e Bankës si një partner strategjik i Kosovës dhe investitor kryesor institucional me mbi 363 miliona euro të investuara deri më sot në 63 projekte.

Fokusi i Bankës në Kosovë është në përkrahjen e zhvillimit konkurrues të sektorit privat, përmirësimin e sigurimit të energjisë, qëndrueshmërinë dhe konektivitetin mbështetës si dhe në integrimin rajonal.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...