Ushtari britanik i UÇK-së kërkon mësues të gjuhës shqipe - Bota Sot
Ushtari britanik i UÇK-së kërkon mësues të gjuhës shqipe

Aktuale

Ushtari britanik i UÇK-së kërkon mësues të gjuhës shqipe

Më: 23 prill 2019 Në ora: 17:19
Jon Harrison

Ish-ushtari britanik i UÇK-së, Jon Harrison, ka pranuar se nuk e di gjuhën shqipe.

Ky fakt madje e ka bërë atë të ndihet keq, dhe kështu po kërkon mësues të gjuhës shqipe në vendin ku ai jeton, Shrewsbury Telford, në Uells.

“A ka ndonjë shqiptar afër Shrewsbury Telford, Uells, që mund të më mbajë orë mësimi të gjuhës shqipe. Jam i gatshëm të paguaj”, ka shkruar ai në Facebook.

Harrison thotë se mos-njohja e gjuhës shqipe, edhe 20 vjet pas përfundimit të luftës, është “turp” për të dhe “ofendim” për gjithë Kosovën.

“Mendoj se pas 20 vjetësh, të mos jem të gjendje të flas gjuhën, është turp për mua dhe ofendim për gjithë Kosovën”, deklaroi Harrison.

Kujtojmë se para disa vitesh, Komuna e Prizrenit kishte vendosur që njërës prej rrugëve të saj t’ia vë emrin e Jon Harrisonit.

Ai ka marrë edhe certifikatën e Veteranit të UÇK-së si i angazhuar në Brigadën 138 “Agim Ramadani”.

Harrisoni vazhdimisht bën postime për Kosovën, herë në gjuhën shqipe (të përkthyer dobët përmes platformës online Google Translate) e herë në anglisht.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...